|
Gellir canfod siopau hen greiriau a bric a brac lawr y lonydd
cefn. Mae Oriel Hafan Gallery yn gwerthu printiau hynafol
o Borthmadog a gallwch ddod o hyd i lyfrau o ddiddordeb
lleol yn Browsers neu yn Bargain Books. Mae siopau megis
Siop Eifionydd yn gwerthu llyfrau a cherddoriaeth Cymraeg,
ac mae yna nifer o fanwerthwyr yn gwerthu dillad ffasiynol i
ferched a dynion, peth prin i’w weld mewn trefi bach heddiw.
Os ydych yn ystyried mabwysiadu ci amddifad neu un wedi
ei gam-drin, ymwelwch â PAWS neu’r Freshfields Animal
Rescue Centre ar y Stryd Fawr.
Gall Porthmadog hefyd ymffrostio yn y ddau gigydd sy’n
gwerthu cig Cymreig lleol a thair siop groser - Pritchards, Joe
Lewis a Maelfa. Mae yna boptai yn gwerthu’r dorth Gymreig
enwog Bara Brith, mae Cadwaladers yn gwneud ei hufen iâ
ei hun a cheir pedair siop delicatessen.
Ar gyfer bwydydd cyffredinol, mae gan y dref bedair
archfarchnad - Aldi Stores ar Ffordd Penamser - adeilad
newydd modern awyrog gyda llawer o fwydydd gwahanol
a blasus o bedwar ban y byd - Lidl, Tesco a Spar. Mae
digonedd o ddewis gyda pharcio hwylus yn y meysydd parcio
cyhoeddus arhosiad byr neu arhosiad hir pob pen i’r dref.
(Gweler y map am fanylion).
Dyma ychydig yn unig o’r rhyfeddodau sydd gan Borthmadog
i’w gynnig. Nid yw’n fawr o syndod ei bod yn dref mor
boblogaidd gan y cwsmeriaid lleol a’r rhai hynny sy’n teithio
milltiroedd ar gyfer diwrnod o siopa.
Nid oes tref arall debyg iddi yn Eryri na Phenrhyn Llyˆn.
|
