|
Yfed A Bwyta Ym Mhorthmadog
O dref fach, mae gan Borthmadog nifer anghyffredin o
uchel o lefydd bwyta i blesio chwaeth a phoced pawb. Ar
y cyfri olaf, roedd cyfanswm o bedwardeg un o lefydd bwyta
o ddisgrifiadau gwahanol i’w canfod ym Mhorthmadog,
Tremadog a Borth y Gest.
Mae’r amrywiaeth yn cynnwys unig fwyty Rosette AA
Porthmadog - Gwesty’r Heliwr - sy’n gweini prydau Ewropeaidd
modern gyda dylanwad Môr y Canoldir - yn ei ystafell fwyta
newydd. Mae gan y Gwesty hefyd dafarn gastro ble caniateir
cwˆ n. Ceir bwydlen iach i blant a gweinir coffi penigamp.
Mae gan Borthmadog nifer o fwytai bistro - Y Winwydden, Yr
Hen Fecws, ac mae’r Sgwâr, a’r Cnu Aur yn Nhremadog. Ceir
bwydydd tafarn traddodiadol yn y Pen Cei ger yr Harbwr a
cheir bwydydd ethnig poblogaidd mewn dau fwyty Indiaidd
ac un Sieiniaidd.
Mae yna nifer o ddarparwyr ‘bwyd i fynd allan’ ym
Mhorthmadog a Thremadog fel y gwelwch mewn llawer
o drefi bach – pedair siop pysgod a sglodion, Pizza, bwyd
Eidalaidd a Sieiniaidd i ddim ond enwi rhai. I’r sawl sydd
eisiau brechdan neu baguette i fwyta mewn neu allan,
ewch i Jessie’s ar y Stryd Fawr ger Banc y Barclays. Ac ar y
diwrnodiau heulog a chynnes, blaswch hufen iâ cartref yn
siop Cadwaladers sydd ar y Stryd Fawr.
Er gwaethaf y dirywiad mewn nifer o dafarndai drwy’r wlad, mae
un ar ddeg ym Mhorthmadog yn gweini amrediad o wahanol
gwrw. Mae Spooners, yng Ngorsaf Reilffordd Ffestiniog yn
adnabyddus am ei amrywiaeth o gwrw, ac yn boblogaidd
iawn gyda dilynwyr trenau. Mae’r Pen Cei yn edrych dros yr
Harbwr, ac mae Gwesty’r Heliwr yn adnabyddus am ei ddewis
o gwrw a gwinoedd byd eang sydd ar gael fesul gwydr neu
botel. Fodd bynnag, un o’r cwrw mwyaf poblogaidd yw’r un
gan fragdy y Mwˆ s Piws yn y dref.
|
