|
Yr Iaith Gymraeg
Mae’r iaith Gymraeg yn un o’r ieithoedd Celtaidd hynny sy’n
dal i gael ei siarad heddiw. Cymru a’r wladfa ym Mhatagonia
(talaith Chubut yn yr Ariannin) yw’r unig gymunedau naturiol o
siaradwyr Cymraeg er bod llawer o Gymry alltud yn enwedig yn
Lloegr, Awstralia a’r Unol Daleithiau.
Mae’r enwau Saesneg am y Gymraeg, Cymry a Chymru yn
tarddu o enw Germaneg am estronwyr sy’n ymddangos mewn
llefydd eraill yn Ewrop yn yr un modd.
Iaith Indo-Ewropeaidd yw’r iaith Gymraeg ac felly yn rhannu
llawer o’i gramadeg strwythurol twfn gydag ieithoedd Indo-
Ewropeaidd eraill. Mae’r Gymraeg yn perthyn yn llai agos
i’r Saesneg nag yw ieithoedd megis Ffrangeg, Almaeneg ac
ieithoedd Llychlynnaidd.
Mae’r Gymraeg a siaredir heddiw yn tarddu o’r chweched
ganrif. Heddiw mae tua 20% o boblogaeth Cymru yn siarad
Cymraeg yn rhugl, felly mae’r iaith yn iaith fyw ac yn rhan bwysig
iawn o ddiwylliant a hunaniaeth y Cymry. Mae gan Wynedd
y cyfartaledd uchaf o siaradwyr Cymraeg sydd oddeutu 69%.
I ymwelwyr, byddai dealltwriaeth o’r iaith a’r gallu i ddweud
ambell air yn gwneud yr ymweliad yn fwy pleserus.
Mae’r Gymraeg lafar yn llifo yn delynegol, ond mae’r Gymraeg
ysgrifenedig yn anoddach i’w meistroli. Dyma ychydig o
gymorth i’w deall.
|
