|
Clwb Pêl Droed Porthmadog
Sefydlwyd Clwb Pêl Droed Porthmadog, un o glybiau hynaf
Cymru yn 1884. Nhw oedd pencampwyr Cynghrair Gogledd
Cymru yn 1902/03 gan gyrraedd rownd derfynol Cwpan
Amatur Cymru yn 1905/06 ond roedd rhaid aros tan
1937/38 cyn ennill pencampwriaeth arall.
Roedd y 50au, y 60au a’r 70au yn ddegawdau llwyddiannus
iawn i ‘Port’. Enillwyd Cwpan Amatur Cymru yn 1955/56
and 1956/57. Daeth dyfodiad Mel Charles a mwy o lwyddiant.
Roedd Port yn bencampwyr cynghrair tri thymor yn olynol
rhwng 1966 ag 1969. Yn ogystal, yn 1966 chwaraewyd yn
erbyn Abertawe yng Nghwpan Cymru yn y Vetch o flaen torf o
10,941. Yn y saithdegau, roeddent yn bencampwyr ddwywaith
ac yn bencampwyr Cynghrair Cymru yn 1989/90. Sicrhaodd
hyn le i Borthmadog yn y Gynghrair Cymru newydd ffurfiedig
(1990). Yn 1992, daeth Port yn un o’r timau cyntaf i fod yn
aelod o Gynghrair Cymru. Heddiw, mae’r clwb yn parhau i
fod yn aelod o Brif Gynghrair Cymru.
Porthmadog – Dyddiau Difyr
Mae mwy na digon o ddewis wrth ddefnyddio Porthmadog fel
canolfan i aros ynddi ac i archwilio Eryri, Pen Llyn, arfordir y
Cambrian a Dyffryn Conwy. Gadewch eich car a defnyddiwch
un o’r opsiynau eraill i ddarganfod harddwch Eryri.
Rheilffyrdd
Rheilffordd Arfordir Y Cambrian
Efallai mai un o’r teithiau mwyaf trawiadol yw’r trên Arriva
o Borthmadog ar hyd arfordir y Cambrian drwy Harlech i
Fachynlleth neu drwy Gricieth i Bwllheli. Mae’n arfordir
gwirioneddol syfrdanol ble y byddai’r Cambrian Coast Express
yn ei ddydd yn teithio o Orsaf Paddington yn Llundain.
Mwynhewch ddiwrnod gwych heb gar - eisteddwch yn ôl,
ymlaciwch a gadewch y boen o ddreifio a pharcio i rywun
arall. Mae pamffled ‘Gwylwyr y Cambrian’ yn amlygu’r pethau
o ddiddordeb ar y lein tra bydd Cwis Pencampwr y Cambrian
yn difyrru’r plant a’r rhai hyˆn! Cyfres o lwybrau rhwng y
gorsafoedd ar hyd y lein yw’r Llwybrau Cambrian. I gael
copïau am ddim o’r cyhoeddiadau a gwybodaeth pellach, yn
cynnwys gostyngiadau i atyniadau a ymwelir â hwy gan y trên,
ewch i’r Ganolfan Groeso ym Mhorthmadog neu ymwelwch â
www.thecambrianline.co.uk
|
