|
Rheilffyrdd Ffestiniog ar Eryri
Bydd diwrnod allan gwych o Borthmadog i Gaernarfon
ar reilffordd fach gul newydd Rheilffordd Eryri yn dangos
trafnidiaeth dwristaidd ar ei gorau. Yn rhedeg drwy Fwlch
Aberglaslyn, a enwyd fel yr Olygfa Orau ym Mhrydain gan
aelodau’r Ymddiriedolaeth Genedlaethol, mae’r lein yn cynnig
seibiant ym mhentref bach hardd Beddgelert cyn dringo yn
serth yng nghysgod yr Wyddfa, ac yna disgyn yn ôl at y môr
ger castell enwog Caernarfon. Mae hwn yn ddiwrnod llawn
ond mae teithiau byrrach ar gael.
Neu, teithiwch i Flaenau Ffestiniog ar Reilffordd Ffestiniog,
a chymrwch drên Arriva ar hyd lein Dyffryn Conwy i Fetws y
Coed a Llandudno.
Ar hyd y ffyrdd
Defnyddiwch y rhwydwaith rhagorol o fysiau i weld Eryri a
Phen Llyˆn. Mae nifer o docynnau crwydro ar gael gyda dewis
o fws neu drên, neu gymysgedd o’r ddau. Neu, dilynwch yr un
daith yn eich car eich hunain neu hyd yn oed ar eich beic!
Anelwch am y Gogledd Orllewin i Gricieth (A497), taith
ugain munud. Paratowch am olygfa fendigedig o’r castell ar
benrhyn creigiog wrth i chi agosáu at y dref. Cafodd y castell
hwn ei adeiladu yn wreiddiol gan dywysogion canoloesol
Cymreig ac ychwanegwyd ato gan Edward y Cyntaf o Loegr,
cyn cael ei anrheithio gan Owain Glyndwˆ r yn 1240. Mae’r
gaer yn haeddu ymweliad. Ewch ymlaen o Griccieth i
Lanystumdwy, cartref Lloyd George am flynyddoedd, un o brif
weinidogion enwocaf Prydain, ac yna ymlaen tuag at Bwllheli
ac o amgylch Pen Llyˆn, sy’n cael ei adnabod fel y Riviera
Cymreig, ac yn enwog am ei greigiau a’i draethau tywod.
|
