|
Rheilffordd Y Cambrian
Mae lein Rheilffordd y Cambrian yn mynd â chi i Bwllheli,
Harlech, Abermaw, Tywyn a Machynlleth. Gweler tudalen 49
am fwy o fanylion.
Yr Harbwr
Pen Cei
Wedi ei leoli tu ôl i’r Amgueddfa Forwrol, roedd yr ardal hon yn
arfer bod yn fwrlwm o weithgaredd. Roedd yna waith adeiladu
a thrwsio llongau, traffig nwyddau cyffredinol i mewn ac allan
o’r porthladd, a chei ar gyfer pob un o’r cwmnïau chwareli
llechi gyda thrac o’r rheilffordd i lwytho yn yr harbwr. O Pen
Cei, gallwch gerdded heibio’r Clwb Hwylio a’r iard gychod i
Borth y Gest. Heddiw, mae’n leoliad poblogaidd ble y gallwch
eistedd ac edrych ar y cychod pleser a’r cychod hwylio sy’n
defnyddio’r harbwr.
Yr Amgueddfa Forwrol
Wedi ei leoli tu ôl i’r Ganolfan Groeso ger Cei yr Oakley ger
yr Harbwr, mae’r Amgueddfa Forwrol yn lle hudolus i dreulio
ennyd. Efallai y bydd y Curadur yn eich diddanu gyda hanes
y dref, a hanes y llong olaf - Y Gestiana - i’w hadeiladu yn
y porthladd a suddodd ar ei thaith gyntaf yn 1931. Roedd
llawer yn credu i hyn ddigwydd oherwydd pan y’i lansiwyd,
methodd y botel siampên dorri ar flaen y llong!
Grisiau Mawr
Adeiladwyd y Grisiau Mawr mae’n debyg yng nghanol yr 1800
i gysylltu Pen Cei â’r Garth. Mae’r golygfeydd o’r bryniau, yn
edrych i lawr dros yr aber, y Cob a Chei Balast a thuag at
Eryri ac arfordir y Cambrian yn rhywbeth ysblennydd.
Y Ganolfan
Mae’r ganolfan gymunedol wedi ei lleoli y drws nesaf
i’r Ganolfan Groeso ar y Stryd Fawr. Cadwch lygaid am
gyngherddau a gweithgareddau cymdeithasol eraill sy’n cael
eu llwyfannu’n gyson drwy’r haf. Mae nos Wener yn noson
Bingo drwy gydol y flwyddyn!
|
