|
Galeri
Mae galeri enwog Rob Piercy wedi ei guddio yn Heol yr
Wyddfa ac mae’n werth galw heibio. Gallwch brynu darlun
gwreiddiol gan Rob Piercy neu dewis o ddetholiad eang o
brintiau rhagorol, ynghyd â gweithiau eraill gan artistiaid
lleol enwog.
Y Coliseum
Ar ben draw’r Stryd Fawr, gyferbyn â Tesco, dewch o hyd
i’r Coliseum, sinema gymunedol 400 sedd y dref. Cafodd
ei adeiladu yn 1931, ac mae’n cadw llawer o’i nodweddion
gwreiddiol. Dyma ble y cafodd “First Night”, a gafodd ei
ffilmio ar leoliad yn yr ardal, ei dangos am y tro cyntaf.
Efallai mai dim ond lle bach ydyw, ond mae’n dangos y
ffilmiau diweddaraf i gyd mewn awyrgylch hen-ffasiwn a
hudolus.
Mae’r sinema ar agor bob nos o ddydd Llun i ddydd
Sadwrn.
Canolfan Hamdden Glaslyn
Ger gorsaf prif lein Rheilffordd y Cambrian, mae Porthmadog
yn ymffrostio mewn canolfan hamdden fodern gydag
amrediad o adnoddau eang ar gyfer pob oed: ystafell stêm,
ystafell ddawns, neuadd chwaraeon, pwll nofio, pwll nofio
plant, cwrt sboncen, efelychwr golff, cwrt tennis ac ystafell
ffitrwydd penigamp.
|
